वर्षायाममा बिजुली खपत बढाउन सहुलियत दिने सरकारको तयारी
-
ककनी खबर
- आइत, ०७ भदौ २०८३
काठमाडौँ । ऊर्जा, जलस्रोत तथा सिँचाइमन्त्री विराजभक्त श्रेष्ठले वर्षायाममा उत्पादन हुने अतिरिक्त विद्युत् स्वदेशमै खपत गराउन विशेष सहुलियतको तयारी भइरहेको बताउनुभएको छ ।
विराटनगरमा मोरङका उद्योगी तथा व्यवसायीसँगको छलफलमा मन्त्री श्रेष्ठले धेरै विद्युत् खपत गर्ने ग्राहक र उद्योगलाई मौसमी विद्युत् महसुल लागू गर्दै सहुलियत दिने जानकारी दिनुभयो । यसबाट उद्योगको उत्पादन लागत घट्ने र खेर गइरहेको विद्युत्काे सदुपयोग हुने सरकारको विश्वास छ ।
विद्युत् आपूर्तिलाई थप भरपर्दो बनाउन सुनसरी–मोरङ औद्योगिक करिडोरमा ९ वटा नयाँ सबस्टेशन थप्ने काम भइरहेको मन्त्री श्रेष्ठले बताउनुभयो ।
उद्योगी–व्यवसायीहरूले भने नेपाली उद्योगको प्रतिस्पर्धात्मक क्षमता बढाउन तत्काल विद्युत् आपूर्ति प्रणालीमा सुधार गर्नुपर्ने माग गरेका छन् । उनीहरूले नियमित तथा गुणस्तरीय विद्युत् आपूर्तिको सुनिश्चिततासहित उत्पादनमूलक उद्योगको डिमान्ड शुल्क खारेज गर्न र विद्युत्मा लाग्दै आएको मूल्य अभिवृद्धि कर (भ्याट) हटाउन सरकारको ध्यानाकर्षण गराएका छन् ।
साथै १ अर्ब रुपैयाँभन्दा धेरै पूँजी भएका उद्योगलाई आफ्नै प्रयोजनका लागि विद्युत् उत्पादन गर्न अनुमति दिनुपर्ने उनीहरूको माग छ ।
आन्तरिक विद्युत् खपतका लागि आवश्यक पूर्वाधार र अनुमति सुनिश्चित भए आफूहरू ५ देखि ५० मेगावाटसम्म थप विद्युत् खपत गर्ने गरी लगानी गर्न तयार रहेको उद्योगीहरूले बताएका छन् ।
सम्बन्धित खबर
नेपाल टेलिकमको हराएको सिम अनलाइनबाटै पुनःप्राप्त गर्न सकिने
काठमाडौँ । नेपाल टेलिकमको हराएको वा बिग्रेको सिमकार्डको सट्टामा नयाँ सिम अनलाइनमार्फत प्राप्त गर्न सकिने सेवा सञ्चालनमा आएको छ ।
डिजिटल सेवा विस्तार, सेवा प्रवाहलाई सहज बनाउने र ग्राहकमैत्री प्रणाली विकास गर्ने उद्देश्यअनुसार यो स...
स्वास्थ्य सेवामा अवरोध नगर्न मन्त्रालयको आग्रह
काठमाडौँ । स्वास्थ्य सेवाजस्तो संवेदनशील सेवामा कुनै पनि प्रकारको अवरोध नगर्न स्वास्थ्य तथा खाद्य स्वच्छता मन्त्रालयले आग्रह गरेको छ ।
चिकित्सक तथा स्वास्थ्यकर्मीहरूले आज आकस्मिकबाहेकका सेवा सञ्चालन नगर्ने घोषणा गरेपछि उक्त मन्त्र...
आज र भोलि देशका विभिन्न ठाउँमा ठूलो वर्षा र हावाहुरीको सम्भावना
काठमाडौँ । आज र भोलि देशका विभिन्न ठाउँमा ठूलो वर्षा र हावाहुरीको सम्भावना रहेकाले सचेत रहन मौसमविद्हरूले आग्रह गरेका छन् ।
मौसम पूर्वानुमान महाशाखाका अनुसार आज दिउँसोपछि कर्णाली र सुदूरपश्चिम प्रदेशका पहाडी तथा हिमाली क्षेत्रमा ठ...
तारकेश्वरका शैक्षिक सँस्था आइतबार पनि खुल्ने, बैशाख २ देखि विद्यालय सुचारु हुने
नुवाकोट । तारकेश्वर गाउँपालिकामा रहेका शैक्षिक सँस्थाहरु आइतबार पनि पूर्ववत रुपमा सञ्चालन हुने भएको छ ।
तारकेश्वर गाउँपालिका अध्यक्ष तथा गाउँ शिक्षा समिति संयोजक शिव अधिकारी (अविरल)ले गाउँपालिकाभित्रका शैक्षिक संस्थाहरूलाई आज चार बुँदे निर्द...
आज र भोलि बालबालिकालाई भिटामिन ‘ए’ र जुकाको औषधि खुवाइँदै
गणेश नेपालीको उपचारका क्रममा निधन
काठमाडौँ । जलनका बिरामी गणेश नेपालीको उपचारका क्रममा ज्यान गएको छ ।
मुगुको सोरु गाउँपालिका–१ का २५ वर्षीय नेपालीको वीर अस्पतालमा उपचारका क्रममा आज बिहान साढे ११ बजेतिर ज्यान गएकाे जिल्ला प्रहरी परिसर काठमाण्डौका प्रहरी उपरीक्षक पव...