Kakani Khabar add
Kakani Khabar add
Kakani Khabar add

नुवाकोटको तारकेश्वरका ४ जिपिए ल्याउने विद्यार्थीलाई ५० हजार प्रदान, शिक्षक र विद्यालय पनि सम्मानित

Main News Image
Kakani Khabar add

नुवाकोट । एसइई परीक्षामा ४ जिपिए ल्याउने तीन जना विद्यार्थीलाई तारकेश्वर गाउँपालिकाले जनही रु. ५० हजारसहित ‘गाउँपालिका अध्यक्ष प्रोत्साहन पुरस्कार’ प्रदान गरेको छ ।

गाउँपालिका अध्यक्ष शिव अधिकारी अविरलले दाङसिङस्थित गाउँपालिका कार्यालयमा आयोजित ‘शिक्षक, विद्यार्थी र विद्यालय सम्मान तथा वार्षिक शैक्षिक क्यालेण्डर विमोचन कार्यक्रम’मा गाउँपालिकाका स्थायी बासिन्दा भई एसइईमा ४ जिपिए ल्याउन सफल प्राजन प्रधान, सम्पदा श्रेष्ठ र दिलासा पौडेललाई उक्त पुरस्कार हस्तान्तरण गर्नुभएको हो ।

त्यसैगरी, गत वर्षको एसइई परीक्षामा गाउँपालिकाभित्रका विद्यालयमध्ये उत्कृष्ट नतिजा ल्याउने श्रीकृष्ण माविकी छात्रा सुनिता रोक्का र छात्र पवन ढकाललाई जनही रु. ८ हजार नगद, सम्मानपत्र तथा दोसल्लासहित सम्मान गरिएको छ । उत्कृष्ट नतिजा हासिल गर्ने विद्यालय श्री शङ्खादेवी माविलाई नगद रु. २५ हजारसहित प्रशंसापत्र र दोसल्लाले सम्मान गरिएको गाउँपालिकाले जनाएको छ ।

कार्यक्रममा विभिन्न विद्यालयका उत्कृष्ट नतिजा दिलाउने शिक्षकहरूलाई समेत नगद पुरस्कार, सम्मानपत्र र दोसल्लासहित सम्मान गरिएको थियो । सम्मानित हुने शिक्षकहरूमा नेपाली, अङ्ग्रेजी, गणित, सामाजिक, अर्थशास्त्र, विज्ञान तथा अतिरिक्त गणित विषयका शिक्षकहरू रहेका छन् ।

यस्तै, आधारभूत तह (कक्षा ८) परीक्षामा उत्कृष्ट नतिजा ल्याउने श्रीकृष्ण माविकी छात्रा अनिषा श्रेष्ठ र चण्डी माविका छात्र राहुल विकलाई जनही रु. ८ हजारसहित सम्मान गरिएको छ भने उत्कृष्ट विद्यालय श्रीकृष्ण माविलाई नगद रु. २० हजारसहित प्रशंसापत्र प्रदान गरिएको छ ।

सोही अवसरमा गाउँपालिकाको वार्षिक शैक्षिक क्यालेन्डर विमोचन गर्दै अध्यक्ष अधिकारीले शैक्षिक सुधार र नतिजा उकास्न सबै विद्यालयका प्रधानाध्यापक तथा शिक्षकहरूलाई जिम्मेवार र प्रतिबद्ध भएर काम गर्न निर्देशन दिनुभयो । उहाँले दुई साताअघि जारी सात बुँदे निर्देशनलाई पूर्ण रूपमा कार्यान्वयन गर्दै आगामी वर्ष अझ उत्कृष्ट नतिजा ल्याउने लक्ष्यसहित अघि बढ्न आग्रह गर्नुभयो ।

Kakani Khabar add

सम्बन्धित खबर

अमेरिकालाई ७ रनले हराउँदै नेपाल ‘ए’ को ‘क्लिन स्वीप’

काठमाडौँ । एकदिवसीय अभ्यास शृङ्खलामा नेपालको ‘ए’ टोलीले ‘क्लिन स्वीप’ गरेको छ । माथिल्लो मूलपानी मैदानमा आज भएको चौथो तथा अन्तिम खेलमा नेपाल ‘ए’ ले अमेरिकालाई ७ रनले हरायो ।


नेपाल ‘ए’ ले दिएको २६५ रनको लक्ष्य पछ्याएको अमेरिकाले ४९...

थप ३ वटा अध्यादेश जारी गर्न राष्ट्रपतिसमक्ष सिफारिश

काठमाडौँ ।  सरकारले थप ३ वटा अध्यादेश जारी गर्न राष्ट्रपति रामचन्द्र पौडेलसमक्ष सिफारिश गरेको छ ।


प्रधानमन्त्री बालेन शाह नेतृत्वको सरकारले गएराति स्वास्थ्य विज्ञान प्रतिष्ठानसम्बन्धी अध्यादेश, केही नेपाल कानून संशोधन गर्न बन...

संसद् सचिवालयले प्रतिनिधिसभामा प्रतिनिधित्व गर्ने दलहरूको बैठक बोलायो

काठमाडौँ । सङ्घीय संसद् सचिवालयले प्रतिनिधिसभामा प्रतिनिधित्व गर्ने दलहरूको बैठक आह्वान गरेको छ । सरकारको सिफारिशमा राष्ट्रपति रामचन्द्र पौडेलले पर्सि चैत १९ गते सङ्घीय संसद्को अधिवेशन आह्वान गरेपछि त्यसको तयारीका लागि प्रतिनिधिसभामा प्रतिनिधित्व...

तारकेश्वरमा संघ सरकारको निर्णय प्रभावकारी भएन, बिदा र कार्यालय समय पहिलाकै कायम

नुवाकोट, वैशाख २१ । तारकेश्वर गाउँपालिकाले आइतबारको सार्वजनिक बिदा तथा बिहान ९ बजेदेखिको कार्यालय समय प्रभावकारी नभएको निष्कर्ष निकाल्दै गाउँपालिका मातहतका सम्पूर्ण कार्यालयहरू पूर्ववत् रूपमा सञ्चालन गर्ने निर्णय गरेको छ ।


गाउँपाल...

ट्राफिक सप्ताह २०८३ अन्तर्गत नुवाकोटमा १५ चालकको लागू पदार्थ परीक्षण, २ जना पोजिटिभ भेटिए ।


नुवाकोट । जिल्ला ट्राफिक प्रहरी कार्यालय नुवाकोटले मनाइरहेको ‘ट्राफिक सप्ताह २०८३’ को पाँचौँ दिन लागू पदार्थ सेवन (लाप.से.) नियन्त्रण तथा सवारी दुर्घटना न्यूनीकरणलाई लक्षित गर्दै विशेष स्वास्थ्य परीक्षण कार्यक्रम सम्पन्न गरेको छ ।

ओली र लेखकलाई ५ दिन हिरासतमा राख्न अनुमति

काठमाडौँ । जिल्ला अदालत काठमाण्डौले नेकपा एमालेका अध्यक्ष एवम् पूर्वप्रधानमन्त्री केपी शर्मा ओली र नेपाली कांग्रेस नेता एवम् पूर्वगृहमन्त्री रमेश लेखकलाई ५ दिन थुनामा राखेर अनुसन्धान अघि बढाउन आदेश दिएको छ ।


न्यायाधीश आनन्दप्रसाद...