Kakani Khabar add
Kakani Khabar add
Kakani Khabar add

तारकेश्वरमा ५० लाखको धानबाली क्षतिपूर्ति कोषका लागि बजेट विनियोजन

Main News Image
Kakani Khabar add

नुवाकोट । गत कार्तिक महिनामा भएको अविरल वर्षाका कारण धानबालीमा क्षति बेहोरेका कृषकलाई राहत उपलब्ध गराउन तारकेश्वर गाउँपालिकाले स्थापना गरेको रु. ५० लाखको धानबाली क्षतिपूर्ति कोषका लागि आवश्यक बजेट विनियोजन गरेको छ ।


गाउँपालिकाको गत पुस १६ गते बसेको गाउँ कार्यपालिका बैठकले ५० लाख रुपैयाँको धानबाली क्षतिपूर्ति कोष स्थापना गर्ने, तत्काल १० लाख रुपैयाँ कोषमा जम्मा गर्ने तथा बाँकी ४० लाख रुपैयाँ आगामी बजेटमार्फत व्यवस्थापन गर्ने निर्णय गरेको थियो ।


गाउँपालिका अध्यक्ष शिव अधिकारी ‘अविरल’ ले संकलित क्षतिको विवरणका आधारमा आगामी कात्तिक महिनाभित्र सबै प्रभावित किसानलाई क्षतिपूर्ति रकम उपलब्ध गराउने गरी आवश्यक प्रक्रिया अगाडि बढाउन कृषि शाखालाई निर्देशन दिनुभएको छ ।


गत कात्तिक ११ देखि १५ गतेसम्म परेको लगातारको वर्षाले खेतमै काटेर राखिएको धानबालीमा व्यापक क्षति पुगेको थियो । वर्षा रोकिएलगत्तै अध्यक्ष अधिकारीको निर्देशनमा गाउँपालिकाका प्राविधिक टोलीले सबै वडाका धान खेती हुने क्षेत्रको स्थलगत अनुगमन गरी क्षतिको यथार्थ विवरण संकलन गरेको थियो ।


वडा अध्यक्षहरू र प्राविधिक टोलीको समन्वयमा गरिएको अनुगमनबाट प्राप्त विवरणअनुसार करिब ७०० परिवारका किसान प्रभावित भएका छन् । गाउँपालिकाले सोही विवरणका आधारमा प्रभावित कृषकलाई यथोचित क्षतिपूर्ति उपलब्ध गराउने जनाएको छ ।

Kakani Khabar add

सम्बन्धित खबर

साना र सावित्रीले १९९ रन बनाएको खेलमा नेपालले सिङ्गापुरलाई हरायो

काठमाडौँ । साना प्रवीण र सावित्री धामीले १९९ रन बनाएको एसीसी महिला १९ वर्षमुनिको प्रिमियर कपमा नेपालले सिंगापुरलाई १५१ रनको फराकिलो अन्तरले हराएको छ । 


मलेसियामा चलिरहेको प्रिमियर कपमा नेपालको यो लगातार दोस्रो जित हो । यसअघि...

कक्षा १२ को नतिजा सार्वजनिक स् नियमिततर्फ झण्डै ७० प्रतिशत विद्यार्थी उत्तीर्ण

काठमाडौँ ।राष्ट्रिय परीक्षा बोर्डले कक्षा १२ को नतिजा सार्वजनिक गरेको छ । 


आज बिहान बसेको बोर्ड बैठकले नतिजा सार्वजनिक गरेको हो । बोर्डका अनुसार नियमिततर्फ ६९.७५ प्रतिशत विद्यार्थी उत्तीर्ण भएका छन् । यस पटक नियमिततर्फ ३ लाख...

के हर्क साम्पाङले केपी ओलीलाई हराउन घण्टीमा भोट मागे ?

साम्पाङको भाषणका दुई फरक सन्दर्भका अंश काँटछाँट गरी जोड्दा उनले घण्टीको पक्षमा मत मागेको जस्तो देखाइएको हो। पूर्ण भिडिओ विश्लेषण गर्दा उक्त दावी पुष्टि हुँदैन। श्रम संस्कृति पार्टीका अध्यक्ष हर्क साम्पाङले राष्ट्रिय स्वतन्त्र पार्टी (रास्वपा) को च...

ढुङ्गाना र शाह 'उत्कृष्ट कर्मचारी'को रुपमा सम्मानित

बाघखोर । नुवाकोटको बेलकोटगढी नगरपालिकामा कार्यरत उज्वल ढुङ्गानासोनुकुमार शाह उत्कृष्ट कर्मचारीको रुपमा सम्मानित हुनुभएको छ । नगरपालिकाको दोश्रो अधिवेशनको आठौँ नगरसभाको अवसर बनाई पछिल्लो एक आर्थिक वर्षको अवधिमा...

विद्यार्थी सङ्गठनमाथि प्रतिबन्धको विरोधमा कालो बेलुन उडाएर प्रदर्शन

काठमाडौँ । विद्यार्थी सङ्गठनमाथि प्रतिबन्ध गर्ने सरकारी घोषणाको विरोधमा विद्यार्थी सङ्गठनहरूले काठमाण्डाैमा कालो बेलुन उडाएर प्रदर्शन गरेका छन् ।

नेपाल विद्यार्थी सङ्घ( नेविसङ्घ) र अखिल नेपाल राष्ट्रिय स्वतन्त्र विद्यार्...

खाद्य निरीक्षक राखेर बजार अनुगमन गर्न सरकारको आग्रह

काठमाडौँ । सङ्घीय सरकारले स्थानीय तहलाई खाद्य निरीक्षकको व्यवस्था गरी खाद्य स्वच्छता र गुणस्तरको प्रभावकारी नियमन गर्न आग्रह गरेको छ ।


‘खाद्य स्वच्छता तथा गुणस्तर ऐन, २०८१’ ले स्थानीय तहमा खाद्य निरीक्षक नियुक्त गरी आफ्नो क्षे...