Kakani Khabar add
Kakani Khabar add
Kakani Khabar add

तारकेश्वरमा संघ सरकारको निर्णय प्रभावकारी भएन, बिदा र कार्यालय समय पहिलाकै कायम

Main News Image
Kakani Khabar add

नुवाकोट, वैशाख २१ । तारकेश्वर गाउँपालिकाले आइतबारको सार्वजनिक बिदा तथा बिहान ९ बजेदेखिको कार्यालय समय प्रभावकारी नभएको निष्कर्ष निकाल्दै गाउँपालिका मातहतका सम्पूर्ण कार्यालयहरू पूर्ववत् रूपमा सञ्चालन गर्ने निर्णय गरेको छ ।


गाउँपालिका अध्यक्ष शिव अधिकारी (अविरल)को प्रस्तावमा बसेको गाउँ कार्यपालिकाको आकस्मिक बैठकले पर्सि मंगलबारदेखि लागू हुने गरी साताको ६ दिन कार्यालय सञ्चालन गर्ने तथा कार्यालय समय बिहान १० बजेदेखि बेलुका ५ बजेसम्म कायम गर्ने निर्णय गरेको हो ।


दुई साताको अभ्यास, सेवाग्राहीको सुझाव तथा कर्मचारीहरूको अनुभवका आधारमा गाउँपालिकाले तीन बुँदे निष्कर्ष निकालेको जनाएको छ । जसअनुसार बिहान ९ बजेदेखि १० बजेसम्मको समय ग्रामीण भेगका सेवाग्राहीका लागि अनुकूल नभएको, टाढा घर भएका कर्मचारीलाई दुई दिने बिदा र बिहानको समय असहज भएको तथा दुई दिने बिदाले इन्धन खपत घटाउनुको सट्टा बढाएको निष्कर्ष निकालिएको हो ।


गाउँपालिकाका अनुसार ग्रामीण क्षेत्रका सेवाग्राही बिहानको घरायसी काम सकेर कार्यालय पुग्नुपर्ने भएकाले १० बजेअघि सेवा लिन कठिन भएको देखिएको थियो । साथै, बिहान ९ बजेदेखि १० बजेसम्म कार्यालयमा सेवाग्राहीको उपस्थिति न्यून रहेको अनुभव गरिएको जनाएको छ ।


त्यस्तै, बाहिरी जिल्लाबाट आएका कर्मचारीहरूलाई दुई दिने बिदाले खासै सहुलियत नदिएको तथा बिहान ९ बजे कार्यालय पुग्नुपर्ने व्यवस्थाले दैनिक जीवन व्यवस्थापनमा समस्या भएको गुनासो आएको गाउँपालिकाले जनाएको छ ।


इन्धन खपत न्यूनीकरणका लागि लागू गरिएको दुई दिने बिदाले अपेक्षित परिणाम नदिएको गाउँपालिकाको निष्कर्ष छ । बिदाका दिन कर्मचारी तथा जनप्रतिनिधिहरू गाउँ बाहिर आवतजावत गर्दा इन्धन खपत झन् बढेको उल्लेख गरिएको छ ।


स्थानीय सरकार सञ्चालन ऐन, २०७४ को दफा १०२ अनुसार स्थानीय आवश्यकता, जनभावना तथा सेवा प्रवाहलाई मध्यनजर गर्दै निर्णय गरिएको अध्यक्ष अधिकारीले बताउनुभएको छ । उहाँले मंगलबारदेखि सोहीअनुसार सेवा सञ्चालन गर्न मातहतका सबै कार्यालय तथा निकायलाई निर्देशन समेत दिनुभएको छ ।


शिक्षा तथा स्वास्थ्य क्षेत्र भने यसअघि नै साताको ६ दिन सञ्चालन हुँदै आएका छन् ।

Kakani Khabar add

सम्बन्धित खबर

तारकेश्वरका शैक्षिक सँस्था आइतबार पनि खुल्ने, बैशाख २ देखि विद्यालय सुचारु हुने

नुवाकोट । तारकेश्वर गाउँपालिकामा रहेका शैक्षिक सँस्थाहरु आइतबार पनि पूर्ववत रुपमा सञ्चालन हुने भएको छ ।

तारकेश्वर गाउँपालिका अध्यक्ष तथा गाउँ शिक्षा समिति संयोजक शिव अधिकारी (अविरल)ले गाउँपालिकाभित्रका शैक्षिक संस्थाहरूलाई आज चार बुँदे निर्द...

तारकेश्वर गाउँपालिकाको सबै वडामा ‘अध्यक्षसँग ज्येष्ठ नागरिक कार्यक्रम’ सम्पन्न

नुवाकोट । तारकेश्वर गाउँपालिकाले सोमबारदेखि सुरु गरेको आर्थिक वर्ष २०८२/०८३ को तेस्रो त्रैमासिक सामाजिक सुरक्षा भत्ता (वृद्धभत्ता) वितरण, निःशुल्क स्वास्थ्य परीक्षण, औषधी तथा परामर्शसहितको ‘गाउँपालिका अध्यक्षसँग ज्येष्ठ नागरिक कार्यक्रम’ शुक्रबार...

ओली र लेखकलाई ५ दिन हिरासतमा राख्न अनुमति

काठमाडौँ । जिल्ला अदालत काठमाण्डौले नेकपा एमालेका अध्यक्ष एवम् पूर्वप्रधानमन्त्री केपी शर्मा ओली र नेपाली कांग्रेस नेता एवम् पूर्वगृहमन्त्री रमेश लेखकलाई ५ दिन थुनामा राखेर अनुसन्धान अघि बढाउन आदेश दिएको छ ।


न्यायाधीश आनन्दप्रसाद...

विदुर–५ मा सुविधासम्पन्न तरकारी संकलन केन्द्र निर्माण सुरु, नगरप्रमुख श्रेष्ठद्वारा शिलान्यास

नुवाकोट । विदुर नगरपालिका–५ स्थित वडा कार्यालय परिसरमा निर्माण हुन लागेको सुविधासम्पन्न तरकारी संकलन केन्द्रको नगरप्रमुख राजन श्रेष्ठले शिलान्यास गर्नुभएको छ। स्थानीय कृषकको उत्पादनलाई व्यवस्थित रूपमा संकलन, भण्डारण तथा बजारसम्म सहज रूपमा पु-याउने...

पूर्वगृहमन्त्री लेखक २ नं गण महाराजगञ्जमा

काठमाडौँ ।  पूर्वगृहमन्त्री तथा नेपाली कांग्रेसका नेता रमेश लेखकलाई नेपाल प्रहरीले पक्राउ गरी २ नं गण महाराजगञ्जमा राखेको छ । उहाँलाई आज बिहान भक्तपुरको कटुञ्जेमा रहेको उहाँकै निवासबाट पक्राउ गरिएको थियो ।


नेता लेखकलाई २ नं ग...

आज र भोलि देशका विभिन्न ठाउँमा ठूलो वर्षा र हावाहुरीको सम्भावना

काठमाडौँ । आज र भोलि देशका विभिन्न ठाउँमा ठूलो वर्षा र हावाहुरीको सम्भावना रहेकाले सचेत रहन मौसमविद्हरूले आग्रह गरेका छन् ।


मौसम पूर्वानुमान महाशाखाका अनुसार आज दिउँसोपछि कर्णाली र सुदूरपश्चिम प्रदेशका पहाडी तथा हिमाली क्षेत्रमा ठ...