Kakani Khabar add
Kakani Khabar add
Kakani Khabar add

तारकेश्वरमा संघ सरकारको निर्णय प्रभावकारी भएन, बिदा र कार्यालय समय पहिलाकै कायम

Main News Image
Kakani Khabar add

नुवाकोट, वैशाख २१ । तारकेश्वर गाउँपालिकाले आइतबारको सार्वजनिक बिदा तथा बिहान ९ बजेदेखिको कार्यालय समय प्रभावकारी नभएको निष्कर्ष निकाल्दै गाउँपालिका मातहतका सम्पूर्ण कार्यालयहरू पूर्ववत् रूपमा सञ्चालन गर्ने निर्णय गरेको छ ।


गाउँपालिका अध्यक्ष शिव अधिकारी (अविरल)को प्रस्तावमा बसेको गाउँ कार्यपालिकाको आकस्मिक बैठकले पर्सि मंगलबारदेखि लागू हुने गरी साताको ६ दिन कार्यालय सञ्चालन गर्ने तथा कार्यालय समय बिहान १० बजेदेखि बेलुका ५ बजेसम्म कायम गर्ने निर्णय गरेको हो ।


दुई साताको अभ्यास, सेवाग्राहीको सुझाव तथा कर्मचारीहरूको अनुभवका आधारमा गाउँपालिकाले तीन बुँदे निष्कर्ष निकालेको जनाएको छ । जसअनुसार बिहान ९ बजेदेखि १० बजेसम्मको समय ग्रामीण भेगका सेवाग्राहीका लागि अनुकूल नभएको, टाढा घर भएका कर्मचारीलाई दुई दिने बिदा र बिहानको समय असहज भएको तथा दुई दिने बिदाले इन्धन खपत घटाउनुको सट्टा बढाएको निष्कर्ष निकालिएको हो ।


गाउँपालिकाका अनुसार ग्रामीण क्षेत्रका सेवाग्राही बिहानको घरायसी काम सकेर कार्यालय पुग्नुपर्ने भएकाले १० बजेअघि सेवा लिन कठिन भएको देखिएको थियो । साथै, बिहान ९ बजेदेखि १० बजेसम्म कार्यालयमा सेवाग्राहीको उपस्थिति न्यून रहेको अनुभव गरिएको जनाएको छ ।


त्यस्तै, बाहिरी जिल्लाबाट आएका कर्मचारीहरूलाई दुई दिने बिदाले खासै सहुलियत नदिएको तथा बिहान ९ बजे कार्यालय पुग्नुपर्ने व्यवस्थाले दैनिक जीवन व्यवस्थापनमा समस्या भएको गुनासो आएको गाउँपालिकाले जनाएको छ ।


इन्धन खपत न्यूनीकरणका लागि लागू गरिएको दुई दिने बिदाले अपेक्षित परिणाम नदिएको गाउँपालिकाको निष्कर्ष छ । बिदाका दिन कर्मचारी तथा जनप्रतिनिधिहरू गाउँ बाहिर आवतजावत गर्दा इन्धन खपत झन् बढेको उल्लेख गरिएको छ ।


स्थानीय सरकार सञ्चालन ऐन, २०७४ को दफा १०२ अनुसार स्थानीय आवश्यकता, जनभावना तथा सेवा प्रवाहलाई मध्यनजर गर्दै निर्णय गरिएको अध्यक्ष अधिकारीले बताउनुभएको छ । उहाँले मंगलबारदेखि सोहीअनुसार सेवा सञ्चालन गर्न मातहतका सबै कार्यालय तथा निकायलाई निर्देशन समेत दिनुभएको छ ।


शिक्षा तथा स्वास्थ्य क्षेत्र भने यसअघि नै साताको ६ दिन सञ्चालन हुँदै आएका छन् ।

Kakani Khabar add

सम्बन्धित खबर

आईसीसी महिला च्यालेन्ज ट्रफीका लागि नेपालको प्रारम्भिक टोली घोषणा

काठमाडौँ । रुवान्डामा हुने आईसीसी महिला च्यालेन्ज ट्रफीका लागि नेपालको प्रारम्भिक टोली घोषणा भएको छ । नेपाल क्रिकेट सङ्घ (क्यान) ले प्रतियोगिताका लागि प्रारम्भिक चरणमा आज २९ सदस्यीय खेलाडी घोषणा गरेको हो ।


छनोट हुने खेलाडीहरूमा वि...

आज मन्त्रिपरिषद्को बैठक बस्दै

काठमाडौँ । आज मन्त्रिपरिषद्को बैठक बस्दैछ । बैठक दिउँसो ४ बजे सिंहदरबारमा आह्वान गरिएको सरकारका प्रवक्ता एवं शिक्षामन्त्री सस्मित पोखरेलले जानकारी दिनुभयो । 


राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (ब...

नेपालले दियो अमेरिकालाई ३१८ रनको कीर्तिमानी लक्ष्य

काठमाडौँ । घरेलु मैदानमा चलिरहेको आईसीसी क्रिकेट विश्वकप लिग–टु शृङ्खलाको अन्तिम खेलमा नेपालले अमेरिकालाई ३१८ रनको कीर्तिमानी लक्ष्य दिएको छ ।


नेपालले एकदिवसीय अन्तर्राष्ट्रिय क्रिकेटमा कीर्तिपुरमा अहिलेसम्मकै धेरै रन बनाएकाे हाे...

पञ्चकन्या गाउँपालिकाले लगाएको चियाको व्यावसायिक उत्पादन सुरु

-रामहरि न्यौपाने
नुवाकोट । पञ्चकन्या गाउँपालिकाले बाझो जग्गामा लगाएको चिया खेतीको व्यावसायिक उत्पादन सुरु भएको छ । गाउँपालिकाको वडा नं ४ स्थित घ्याङस्वारामा तीन वर्षअघि रोपेको चियामध्ये करिब १३ हजार बिरुवाबाट उत्पादन सुरु भएको गाउँपालि...

१० महिनामा झन्डै ६० प्रतिशत बजेट खर्च, विकास खर्च २८ प्रतिशतमात्र

काठमाडौँ । चालू आर्थिक वर्षको वैशाख मसान्तसम्ममा सरकारको बजेट खर्च वार्षिक विनियोजनको झन्डै ६० प्रतिशत भएको छ । महालेखा नियन्त्रक कार्यालयका अनुसार बितेका १० महिनामा ११ खर्ब ७३ अर्ब ५२ करोड १ लाख रुपैयाँ बजेट खर्च भएको छ ।


चालू आर...

एमालेले ओली पक्राउ परेको विषय संसदमा उठाउने

काठमाडौँ । नेकपा एमालेले पार्टीका अध्यक्ष एवम् पूर्वप्रधानमन्त्री केपी शर्मा ओली पक्राउ परेको विषयलाई प्रतिनिधिसभा बैठकमा उठाउने भएको छ ।


एमालेको आज बसेको सचिवालय बैठकले ओली पक्राउ परेकाे विषय सङ्घीय संसदमा उठाउने र विरोध जनाउने न...