विदेश हिँडेकाहरू सूचना पढेर फर्किए त्रिभुवन विमानस्थलबाट (तस्बिरहरू)

मध्यपूर्वमा तनावपछि विभिन्न देशहरूले आफ्नो विमानस्थल बन्द गरेका छन्।

विश्वकै व्यस्तमध्येको मानिने दुबई अन्तर्राष्ट्रिय विमानस्थल पनि बन्द भएको छ। त्यहाँ इरानले ड्रोन हमला गर्दा विमानस्थलमा क्षति समेत भएको छ।

खाडीका विभिन्न मुलुकहरू इरान-इसराइल तनावको चपेटामा परेपछि त्यसको प्रभाव नेपालमा पनि परेको छ।

नेपालबाट युएई, कतार, कुवेत लगायतका देशहरू जाने विमान रद्द भएका छन्। त्यसो हुँदा शनिबार बेलुकी त्रिभुवन विमानस्थलमा यात्रुहरूको भिड लागेको थियो।

उडान रद्द भएपछि घन्टौं बसेर उनीहरू पुनः घर फर्किएका थिए।

आइतबार बिहान पनि विमानस्थलमा यात्रुहरूको बाक्ल उपस्थिति देखिएको छ।

खाडीबाहेक अन्य मुलुक जाने यात्रुहरू विमानस्थल प्रवेश गरेका छन्। साउदी अरब, कतार, कुवेत र युएई जाने यात्रुहरू भने सूचना पढेर फर्किएका छन्।

एक्सप्रेस

नेकपा (एमाले)का अध्यक्ष केपी शर्मा ओलीले मध्यपूर्वमा मिसाइल बर्सिँदा आफू रातभरि निदाउन नसकेको बताएका छन्।

आइतबार बिहानीपख फेसबुकमा स्ट्याटस लेख्दै ओलीले आकाशबाट बर्सिएका मिसाइलको धुवाँको दृश्यले रातभरि निद्रा नपरेको बताएका हुन्।

...

राष्ट्र, राष्ट्रियता, धर्म, संस्कृति, नागरिक बचाउ महाअभियानका संयोजक दुर्गा प्रसाईं पक्राउ परेका छन्।

आइतबार बिहान भक्तपुरस्थित उनकै निवासबाट प्रसाईंलाई पक्राउ गरिएको जिल्ला प्रहरी परिसर भक्तपुरका डिएसपी प्रकाश जबेगुले जानकारी दिए।

...

युएईस्थित नेपाली दूतावासले भ्रम फैलिने तस्बिर/भिडिओ सामाजिक सञ्जालमा नहाल्न अनुरोध गरेको छ।

आइतबार एड्भाइजरी जारी गर्दै दूतावासले अज्ञात स्रोतबाट लिइएका कुनै पनि सामग्री प्रसारण नगर्न अनुरोध गरेको हो।

‘युएईमा विकसित परिस्थितिका स...